www.leriasdebea.blogspot.com

Translate

domingo, 10 de febreiro de 2019

POR TERRAS DE LEMOS





Hoxe non sería igual! O día de onte brindounos a oportunidade de disfrutar da beleza, da historia interesante, da cultura e da paisaxe desta terra, onde a Ribeira Sacra ten a sua capitalidade: Monforte de Lemos, co río Cave atravesando a cidade e os seus monumentos patrimoniais que  nos falan dun pasado onde o relixioso se une ao cortesán e ao poderío dun condado cun dos pazos mais emblemáticos de Galiza, o Pazo de Tor.




Ahí comezamos o noso itinerario, percorrendo as frías estancias deste impresionante edificio do século XIX, con terras que alcanzan a dimensión de oitocentos campos de futbole e que abranguen boa parte do territorio, de maneira que se podería cruzar a península ibérica polas suas propiedades.
Edificio de duas plantas ocupadas segundo o estatus, a parte superior para os señores e as da parte inferior para criados e traballadores dos moitos oficios que o pazo ofrecía, e comunicadas por pasadizos e escaleiras case secretas por onde a servidume transitaba sen causar molestias ou romper intimidades.



Entorno aos catro salóns, algúns de mais de noventa metros cadrados, onde se exhiben toda clase de armas, mobiliario, e obxectos de incalculable valor, traidos do estranxeiro e diversos lugares da península, así como retratos de familia do mundo eclesiástico e militar, distribuense os cuartos destinados segundo os seus ocupantes, tales como o cuarto do bispo, reservado para visitas eclesiásticas de alto rango, o cuarto onde se quedaron Manuel María e Uxío Novo Neira, poetas e escritores que acudían a tertulias literarias que alí tiñan lugar, ou o cuarto principal con wc de
porcelana inglesa decorada e sofá confidencial ao que lle sigue o cuarto das crianzas, con xoguetes da época e un curioso Miky Mouse do século XIX nunha das vitrinas que gardan obxectos curiosos de valor.



Ahí as nodrizas, con sillón especial para amamantar, pasaban o tempo coidando, xogando e entretendo aos mais pequenos mentras os proxenitores se adicaban a vida social e de ralación  que ocupaba boa parte do seu día a día, e con entretementos como o xedrez, o billar, a música, para a que facían traer pianos que hoxe so poderiamos encontrar en catro lugares do mundo, como un que fai de piano e órgano a sua vez.
Tamén, nunha das salas se atopa o primeiro mapa de Galiza realizado por Domingo Fontán, do S.XIX quen cun cabalo, un caderno e a axuda dunhos cantos instrumentos cartográficos tardou dezasete anos en percorrer toda Galiza medíndoa metro a metro.
Seguiríamos falando deste pazo en páxinas e páxinas de ter que ser unha descripción pormenorizada, pero a grandes rasgos, sacamos a conclusión de que a nobleza tiña o poder de rodearse daquelo que aos demais lles estaba vedado e podían facer alarde do mesmo nas suas exhibicións públicas e privadas para o que dispoñían de carruaxes tirados por cabalos para desplazarse os lugares
concurridos e oferecer recreamento e cultura dentro dos seus aposentos. Proba delo, un xardín de estilo versallesco, feito con chantos e nos que medraban setos e outras plantas e no que a sua simetría labiríntica podía facerllo pasar mal a quen buscase a saída.
Deixamos este pazo do que sería imposible acabar de comentar a sua totalidade para dirixirnos  ao Colexio da Virxe da Antiga, coñecido como os Escolapios de Monforte. Ainda hoxe ten a mesma función de centro de ensino concertado e que foi exclusivo para rapaces. Alí admiramos un dos seus claustros e as escaleiras tan peculiares que parece que se sosteñen no ar a pesares do inmenso peso dos escalóns que a compoñen.



Este lugar foi afectado por un terremoto e polo vandalismo napoleónico, polo que sufríu desperfectos como fisuras na sua estructura e que para poder reparalos tiveron que vender un cadro moi valioso, A adoración dos reis magos de Van der Goes, e do que se ten unha copia na actualidade. Diñeiro que nunca se utilizóu para a dita reparación do edificio senón que foi parar a mans sen escrúpulos, proba do que a corrupcción non é cousa so dos nosos días.
De admirar o retabolo da igrexa realizado en madeira de nogal por Francisco de Moure, S XVII  Nese relevo hai esceas que misturan o relixioso co pagano, éste último algo oculto e expresado coa sutileza quevediana, mediante a sátira, a mofa, rediculizando certas costumes ou rituais como a circuncisión xudéa, por exemplo.



 Tamén a desnudez feminina, mulleres cun peito descuberto.... que eran como moi avanzados para a época e causan estrañeza de teren pasado a censura, ou non houbo un estudo detallado das esceas, ou se fixo a vista gorda, porque xa sabemos que a  algúns frades non lles desagradaban aquelas vistas.
Como non visitar o Museo do Viño estando a pé da Ribeira Sacra. Alen dunha degustación, tivemos oportunidade de adentrarnos no coñecemento do viño, da sua elaboración, do seu costoso trasego dende a vendima nos viñedos rochosos e o seu transporte dende os mesmos. Tamén da interpretación das etiquetas e das distintas variedades de uva. Moi entretido e ben esposto pola guía. As visitas que fixemos foron sempre guiadas, e a derradeira, ao Museo Lodeiro, da man do escultor que usa raíces e pedras, e madeira para realizar as innumerables caras e formas de animais alén de persoeiros como os Condes de Lemos ou de D. Quijote e Sancho, a tamaño real, e que nos foi explicando paso a paso dando detalles da procedencia dos seus materiais así como da sua elaboración,
Así acabou o día, cun xantar nun restaurante da vila e para min, co broche final dun chiculate preto ao final da tarde.

Condes de Lemos






























5 comentarios:

  1. Querida amiga, supongo que no te has dado cuenta de que han fallado los sistemas de la inserción de imágenes. Supongo que podrás revertirlo. Volveré a dejarte mi comentario en cuanto se puedan visualizar. Un abrazo.

    ResponderEliminar
  2. Un paseo por la Historia que siempre viene bien y claro las comparaciones con el modo en que vivían y el que permitían que vivieran todos los servidores de palacio, era, prácticamente, una vida de esclavitud, de tal sometimiento que nos cuesta mucho trabajo comprenderlo. Pensemos lo que pensemos, no podremos evitar que el pasado sea lo que fué, con todo lo bueno posible para los privilegiados y para el resto... ¿para qué vamos a comentar? Mira,por donde, pensar en aquellos tiempos de "gloria" me hace reconciliarme con todos los "afanadores" del presente y considerar que van a menos, y que llegará el final del menos y acabaremos alcanzando el cero -eso ya no lo voy a conocer yo pero tengo la esperanza de que llegará a suceder-.

    Bueno, abandono la exposición de mis ideas y recojo con todo el respeto y el cariño que se merece este trabajo histórico que nos presentas en el post recién publicado. Ha sido un placer leer todo el contenido de tu relato y, sin duda, aunque no soy gallega, has conseguido llevarme a esa etapa de nuestra historia. Antes fuimos así; ahora ya no somos así, creo que hemos mejorado en muchos aspectos la vida de las gentes; después, seremos. Confío en que los cambios sean para mejorar lo que tenemos ahora.

    Un abrazo con todo mi afecto y admiración.

    ResponderEliminar
  3. Hola Bea. Espectacular.
    Yo que soi muy amante de conocer esos rincones históricos. Me encanta todo lo que nos cuentas en este extenso he interesa tema de Ribeira Sacra de Monforte de Lemos.

    Y ese lamentoso terremoto que afectó a una parte arquitectónica.
    Me encantaría ir a visitarlo. Así vale la pena ir de visitas culturales, la verdad. Las fotografías son un éxito y como te has inspirado en escribir esta estupenda salida.

    Un abrazo muy grande.

    ResponderEliminar
  4. Hola, estoy aquí solo para decirte que he trabajado la palabra ansia que me regalaste y está publicada. Esto es lo que conectó -uso ese término porque "inspiró" me parece que no encaja con el tema tratado- con mi imaginación. Claro que la palabra ansiedad tiene otros muchos derroteros pero, yo no opté por ellos. Gracias, ha surgido un tema que afecta a muchos mayores y que yo no había tratado. Gracias por haberme regalado tu tiempo y tu atención. Un abrazo.

    ResponderEliminar
  5. Olá, Bea!

    Passeios históricos y culturais como este, valem bem a pena.
    Não conheço estes locais, mas con tu descrição, fico con vontade de os conhecer.

    Continua a passear e a divertirte.

    Besos y dias felices!

    ResponderEliminar

Grazas por comentar, por empatizar e por vir en son de paz.